KSTA

ഉപജില്ലാ കലാവേദി, പെരിന്തല്‍മണ്ണ

ഓണവില്ല് 2013

പ്രിയരെ,

      കേരളത്തിലെ അധ്യാപക സമൂഹത്തെ അവകാശബോധവും കര്‍ത്തവ്യബോധവും ഉള്ളവരാക്കി മാറ്റുന്നതില്‍ കെ. എസ്. ടി. എ വഹിച്ചിട്ടുള്ള പങ്ക് സംസ്ഥാനത്തിന്റെ വിദ്യഭ്യാസ ചരിത്രത്തോട് ഇഴചേര്‍ന്നു നില്‍ക്കുന്നതാണ്. ആധ്യാപകരുടെ സര്‍ഗാത്മകതയേയും കലയേയും പരിപോഷിപ്പിക്കുന്നതിനുള്ള വഴികളും സംഘടന എക്കാലത്തും തുരന്നുവെച്ചിട്ടുണ്ട്. ഇതിനായി പ്രവര്‍ത്തിച്ചുവരുന്ന കൂട്ടായ്മയാണ് കെ. എസ്. ടി. എ കലാവേദി. മാതൃകാപരമായ നിരവധി പ്രവര്‍ത്തനങ്ങള്‍ ഇതിനോടകം കലാവേദി സംഘടിപ്പിച്ചു കഴിഞ്ഞു.

           മാനവരെല്ലാമൊന്നുപോലെ വാഴുന്ന സമത്വസുന്ദരമായ ലോകത്തെക്കുറിച്ചുള്ള സ്വപ്നങ്ങളെ മലയാളിക്ക് തന്റെ കാല്‍പനികതയോടു ചേര്‍ത്തുവെയ്ക്കാന്‍ അവസരമൊരുക്കുന്ന ഉത്സവമാണ് ഓണം. ഇത്തവണ ഓണത്തെ വര്‍ണ്ണാഭമായ അനുഭവമാക്കിമാറ്റുന്നതിനുള്ള പരിപാടികളാണ് കെ. എസ്. ടി. എ പെരിന്തല്‍മണ്ണ ഉപജില്ലാ കലാവേദി ഒരുക്കുന്നത്.

          2013 സെപ്തംബര്‍ 8 ഞായറാഴ്ച, അത്തദിനത്തില്‍ പെരിന്തല്‍മണ്ണ ഗവ. ഗേള്‍സ് ഹയര്‍ സെക്കന്ററി സ്ക്കൂളിലൊരുക്കുന്ന ഓണവില്ല് 2013-ലേക്ക്, പങ്കാളികളും ആസ്വാദകരുമായി, മുഴുവന്‍ അധ്യാപികാധ്യാപക സുഹൃത്തുക്കളേയും കുടുംബസമേതം ഞങ്ങള്‍ ക്ഷണിക്കുന്നു. ഈ ദിവസം മറ്റെല്ലാ തിരക്കുകളും മാറ്റിവെച്ച് ഒരുമയുടെ കണ്ണികളാകാന്‍ നമുക്ക് ഒത്തു ചേരാം.

                                             സ്നേഹപൂര്‍വ്വം,

                                            അജിത് മോന്‍.കെ.ജെ.                                 

(ചെയര്‍മാന്‍)

ദേവിക.പി.വി. 

                                                         (കണ്‍വീനര്‍ )